Ispaniya terma jamoasi bosh murabbiyi Luis Enrike jahon chempionatida Kosta-Rika ustidan qozonilgan g‘alaba (7:0) haqida fikr bildirdi.
“Bu o‘yinda ham, keyingi o‘yinlarda bo‘lgani kabi, butun 90 daqiqada ustunlik qilish va buning uchun to‘pga ega bo‘lish kerak edi. Raqib deyarli o‘yinda qatnashmasligi uchun shunday qilishimiz kerak edi. Lekin bizda hali o‘yinimizni yaxshilash uchun vaqt bor.
Haqiqat shuki, maydonda hammasi joyida bo‘lsa, futbol eng ajoyib sport turi bo‘lib ko‘rinadi. Biz muammo tug‘dirishi mumkinligini bilgan kuchli raqibga qarshi o‘yinni nazorat qildik. Shuningdek biz to‘p, hujum va pressing bilan ajoyib harakat qildik. Bu futbol g‘oyasiga biz ko‘p yillar davomida amal qilib kelganmiz", — deb Enrike so‘zlarini keltiradi Mundo Deportivo nashri.
