Испания терма жамоаси бош мураббийи Луис Энрике жаҳон чемпионатида Коста-Рика устидан қозонилган ғалаба (7:0) ҳақида фикр билдирди.
“Бу ўйинда ҳам, кейинги ўйинларда бўлгани каби, бутун 90 дақиқада устунлик қилиш ва бунинг учун тўпга эга бўлиш керак эди. Рақиб деярли ўйинда қатнашмаслиги учун шундай қилишимиз керак эди. Лекин бизда ҳали ўйинимизни яхшилаш учун вақт бор.
Ҳақиқат шуки, майдонда ҳаммаси жойида бўлса, футбол энг ажойиб спорт тури бўлиб кўринади. Биз муаммо туғдириши мумкинлигини билган кучли рақибга қарши ўйинни назорат қилдик. Шунингдек биз тўп, ҳужум ва прессинг билан ажойиб ҳаракат қилдик. Бу футбол ғоясига биз кўп йиллар давомида амал қилиб келганмиз", — деб Энрике сўзларини келтиради Mundo Deportivo нашри.
