Braziliya terma jamoasi hujumchisi Neymar o‘zining jarohati tufayli yuzaga kelgan hissiyotlari haqida gapirdi. Eslatib o‘tamiz, Serbiyaga qarshi o‘yinda olgan jarohat tufayli u guruh bosqichining ikkinchi va uchinchi tur (Shveysariya va Kamerunga qarshi) bahslarini o‘tkazib yuboradi.

«Mamlakat terma jamoasi futbolkasini kiyganda men his qiladigan faxr va iftixor tuyg‘usini men ta’riflab bera olmayman. Agar Xudo menga o‘zim tug‘iladigan mamlakatni tanlash imkoniyatini berganida, men Braziliyani tanlagan bo‘lardim.

Hayotda hech bir narsa osonlik bilan berilmaydi. Men o‘z maqsadlarimga erishish uchun harakat qilganman. Hech kimga nisbatan adovat tuyg‘usida bo‘lmaganman, muhtojlarga yordam berganman.

Bugungi faoliyatimdagi eng og‘ir vaziyatlardan biri bo‘ldi. Jahon chempionatida yana jarohat oldim. Ha, hafsalani pir qiladi, juda kuchli og‘riq. Ammo maydonga qaytish uchun hali imkoniyat bo‘ladi. O‘z mamlakatim jamoasiga yordam berish uchun qo‘ldan kelgan barcha ishni qilaman», — de yozdi Neymar ijtimoiy tarmoqlar orqali.