Qatarda bo‘lib o‘tayotgan jahon chempionati 2-turidan o‘rin olgan bahsda Argentina va Meksika 26 noyabr, shanba kuni o‘zaro to‘qnash keldi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limda Argentina to‘pni ko‘proq nazorat qila boshladi. Biroq meksikaliklar himoyada ishonchli harakat qildi. 64-daqiqada Lionel Messi kutilmaganda jarima maydoni tashqarisida zarba berib, gol urdi. 87-daqiqada esa Enso Fernandes argentinaliklarning ikkinchi goliga mualliflik qildi va ishonchli g‘alabani ta’minladi.

Shu tariqa, Argentina 3 ochko jamg‘arib, 2-o‘ringa ko‘tarilib oldi. Meksika hisobida esa 1 ochko mavjud va 4-pog‘onadan joy olgan.

"C" guruhining ikkinchi o‘yinida Polsha Saudiya Arabistoni ustidan 2:0 hisobida g‘alaba qozondi va guruh peshqadamiga aylandi.

JCH—2022, 2-tur bahsi
26 noyabr, shanba
Argentina — Meksika 2:0
Gollar: 1:0 – 64 Messi, 2:0 – 87 Fernandes.
Argentina: Martines, Montel (Molina, 63), Otamendi, Martines, Akunya, Di Mariya (Romero, 69), Mak Allister (Palasios, 69), De Paul, Rodriges (Fernandes, 57), Messi, Martines (Alvares, 63).
Meksika: Ochoa, Alvares (Ximenes, 66), Moreno, Arauxo, Montes, Galyardo, Guardado (Guterres, 42), Errera, Chaves, Losano (Alvarado, 73), Vega (Antuna, 66).
Ogohlantirishlar: Arauxo (22), Montel (43), Guterres (50), Errera (66), Alvarado (89).