«Manchester Siti» va Portugaliya terma jamoasi himoyachisi Ruben Diash terma jamoadagi sherigi Krishtianu Ronaldu bilan ilk uchrashuvi haqida gapirdi.
Diashning so‘zlariga ko‘ra, bu Ronaldu Chempionlar ligasida g‘olib chiqqanidan so‘ng darhol sodir bo‘lgan. Shu payt himoyachi mashhur hujumchi muvaffaqiyatining siri nimada ekanligini anglab yetdi.
“O‘sha kunni hamon eslayman, biz odatdagidek mashg‘ulot o‘tkazdik. Va keyin men nima uchun u hamma narsaga erishganini tushundim.
U hamma narsani, har bir elementni, tafsilotni bajarganligi uchun buyukdir", - deydi Diash The Telegraphga.
Eslatib o‘tamiz, shu oyda "Manchester Yunayted" bilan shartnomasini bekor qilgan Ronaldu klubsiz qolgandi.
Ayni damda 37 yoshli hujumchi Diash bilan birga Qatardagi jahon chempionatida ishtirok etmoqda.
Portugaliya keyingi o‘yinini ertaga, 28 noyabr kuni Urugvayga qarshi o‘tkazadi.
