«Манчестер Сити» ва Португалия терма жамоаси ҳимоячиси Рубен Диаш терма жамоадаги шериги Криштиану Роналду билан илк учрашуви ҳақида гапирди.
Диашнинг сўзларига кўра, бу Роналду Чемпионлар лигасида ғолиб чиққанидан сўнг дарҳол содир бўлган. Шу пайт ҳимоячи машҳур ҳужумчи муваффақиятининг сири нимада эканлигини англаб етди.
“Ўша кунни ҳамон эслайман, биз одатдагидек машғулот ўтказдик. Ва кейин мен нима учун у ҳамма нарсага эришганини тушундим.
У ҳамма нарсани, ҳар бир элементни, тафсилотни бажарганлиги учун буюкдир", - дейди Диаш The Telegraphга.
Эслатиб ўтамиз, шу ойда "Манчестер Юнайтед" билан шартномасини бекор қилган Роналду клубсиз қолганди.
Айни дамда 37 ёшли ҳужумчи Диаш билан бирга Қатардаги жаҳон чемпионатида иштирок этмоқда.
Португалия кейинги ўйинини эртага, 28 ноябрь куни Уругвайга қарши ўтказади.
