Marokash terma jamoasi bosh murabbiyi Valid Regragi Belgiya ustidan qozonilgan g‘alabada Hakim Ziyeshning hissasini yuqori baholadi.
«Chelsi» futbolchisi golli uzatmani amalga oshirib, jamoasiga uchrashuvning yaqqol favoriti ustidan kutilmagan g‘alaba qozonishida katta hissa qo‘shdi (2:0).
“Ziyesh – aql bovar qilmaydigan futbolchi. Ko‘pchilik uni qattiqqo‘l yigit sifatida ko‘radi, lekin unga ishonib, iliq munosabatda bo‘lsangiz, murabbiy va jamoa uchun o‘limga tayyor ekanini bilaman.
Hakim bilan hech qanday muammom yo‘q. U o‘z o‘yini bilan unga bildirilgan ishonchni oqlaydi", - deydi Regragi.
