Марокаш терма жамоаси бош мураббийи Валид Реграги Бельгия устидан қозонилган ғалабада Ҳаким Зиешнинг ҳиссасини юқори баҳолади.

«Челси» футболчиси голли узатмани амалга ошириб, жамоасига учрашувнинг яққол фаворити устидан кутилмаган ғалаба қозонишида катта ҳисса қўшди (2:0).

“Зиеш – ақл бовар қилмайдиган футболчи. Кўпчилик уни қаттиққўл йигит сифатида кўради, лекин унга ишониб, илиқ муносабатда бўлсангиз, мураббий ва жамоа учун ўлимга тайёр эканини биламан.

Ҳаким билан ҳеч қандай муаммом йўқ. У ўз ўйини билан унга билдирилган ишончни оқлайди", - дейди Реграги.