Kanada terma jamoasi darvozaboni Milan Boryan terma jamoasining jahon chempionati 2-turi doirasidagi Xorvatiyaga (1:4) qarshi o‘yindagi mag‘lubiyati haqida fikr bildirdi.
"Biz juda yaxshi boshladik, hisobni ochdik. Dastlabki 20-25 daqiqada yaxshi ko‘rindik. Keyin nima bo‘lganini bilmayman. Ko‘p pasayib ketdik, himoyalanishni boshladik, asabiy o‘ynadik. Avvaliga birinchi, keyin esa ikkinchi golni o‘tkazib, tanaffusga yo‘l oladigan bo‘lsangiz, o‘yinga qaytish qiyin bo‘ladi. Ammo o‘z xatolarimiz tufayli bu o‘yinda mag‘lub bo‘ldik. Biz pressing qo‘llashimiz kerak edi. Bu chiqmadi. Bu bizning xatomiz. Bu futbol, shunday bo‘ladi. Xorvatiya - juda tajribali jamoa, ko‘plab futbolchilar jahon chempionatlarida bir nechta o‘yin o‘tkazgan va ular hisobni saqlab qolish uchun qanday o‘ynashni bilishadi. Biz hali yosh jamoamiz, biz bunday tajribaga muhtojmiz, bu o‘sishimiz uchun yaxshi tajriba, biz kayfiyatimizni ko‘tarib, ijobiy munosabatda bo‘lishimiz va oldinga intilishimiz kerak", - deya Boryanning so‘zlaridan iqtibos keltirmoqda "Match TV".
%20qarshi%20o%26amp%3Blsquo%3Byindagi%20mag%26amp%3Blsquo%3Blubiyati%20haqida%20fikr%20bildirdi.&image=%2Fimages%2Fnews%2FBorjan.jpg&noparse=true){kind=link}