Канада терма жамоаси дарвозабони Милан Борян терма жамоасининг жаҳон чемпионати 2-тури доирасидаги Хорватияга (1:4) қарши ўйиндаги мағлубияти ҳақида фикр билдирди.

"Биз жуда яхши бошладик, ҳисобни очдик. Дастлабки 20-25 дақиқада яхши кўриндик. Кейин нима бўлганини билмайман. Кўп пасайиб кетдик, ҳимояланишни бошладик, асабий ўйнадик. Аввалига биринчи, кейин эса иккинчи голни ўтказиб, танаффусга йўл оладиган бўлсангиз, ўйинга қайтиш қийин бўлади. Аммо ўз хатоларимиз туфайли бу ўйинда мағлуб бўлдик. Биз прессинг қўллашимиз керак эди. Бу чиқмади. Бу бизнинг хатомиз. Бу футбол, ​​шундай бўлади. Хорватия - жуда тажрибали жамоа, кўплаб футболчилар жаҳон чемпионатларида бир нечта ўйин ўтказган ва улар ҳисобни сақлаб қолиш учун қандай ўйнашни билишади. Биз ҳали ёш жамоамиз, биз бундай тажрибага муҳтожмиз, бу ўсишимиз учун яхши тажриба, биз кайфиятимизни кўтариб, ижобий муносабатда бўлишимиз ва олдинга интилишимиз керак", - дея Боряннинг сўзларидан иқтибос келтирмоқда "Матч ТВ".