Afsonaviy futbolchi Devid Bekxem "Inter Mayami" klubiga egalik qiladi. So‘nggi xabarlarga ko‘ra, bu jamoa tarkibi yana bir super yulduz bilan to‘ldirilishi kutilmoqda. MLS klubi Lionel Messini sotib olishi mumkin. Messi mavsum so‘ngida erkin agentga aylanadi. Ammo u bu ishni nisbatan tezroq bajarishi mumkin. Ya’ni, Messi qishki transferlar oynasida MLSga yo‘l oladi.
Taxminlarga ko‘ra, "Inter Mayami" klubi Messi bilan birga uning sobiq jamoadoshlari bo‘lgan Luis Suares hamda Sesk Fabregasni ham taklif qilishi mumkin. Rahbariyat bu orqali hozirda Gonsalo Iguain, Blez Matyuidi kabi yulduzlar harakat qilayotgan tarkibida yanada yulduzli qilmoqchi. Klub bosh murrabiyi bo‘lgan Fil Nevill esa hujum uchligida Suares, Messi va Fabregasdan foydalanishni maqsad qilgan.
Devid Bekxem bu bilan to‘xtab qolmoqchi emas. U hozirda erkin agentga aylangan Krishtianu Ronalduni ham jalb etishni rejalashtirmoqda. Agarda portugaliyalik Mayami jamoasiga qo‘shiladigan bo‘lsa, u Luis Suares bilan tandem hosil qiladi.
Shu bilan birgalikda, "Barselona" yulduzi Serxio Buskets ham "Inter Mayami" nishoniga aylangan. Buskets kelajakda Fabregas bilan yarim himoyani egallaydi. Shunday qilib, Messining MLSga o‘tish qarori, uni Ronaldu, Suares, Buskets, Fabregas kabi mega yulduzlar bilan birlashtiradi. Buni ko‘rish, futbol muxlislari uchun ham qiziq bo‘lar edi...
ISMATOV J.
