"Chelsi" yarim himoyachisi Kristian Pulishich qishki transfer oynasida jamoani tark etmaydi.
Sky Sports jurnalisti Florian Plettenbergning fikricha, futbolchining "Borussiya", "Manchester Yunayted" va "Nyukasl"ga o‘tishi mumkinligi haqidagi mish-mishlar ahamiyatli emas. U London klubida qolmoqchi.
Biroq manbaning xabariga ko‘ra, Qatardagi jahon chempionatidan keyin Pulishichga katta va qiziqarli taklif tushsa, muzokaralar olib borilishi mumkin.
2022/23 yilgi mavsumda yarim himoyachi “Chelsi” safida 18 ta o‘yinda maydonga tushib, 1 ta gol urdi va 2 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.
Transfermarkt portali futbolchini 38 million yevroga baholamoqda.