"Челси" ярим ҳимоячиси Кристиан Пулишич қишки трансфер ойнасида жамоани тарк этмайди.
Sky Sports журналисти Флориан Плеттенбергнинг фикрича, футболчининг "Боруссия", "Манчестер Юнайтед" ва "Ньюкасл"га ўтиши мумкинлиги ҳақидаги миш-мишлар аҳамиятли эмас. У Лондон клубида қолмоқчи.
Бироқ манбанинг хабарига кўра, Қатардаги жаҳон чемпионатидан кейин Пулишичга катта ва қизиқарли таклиф тушса, музокаралар олиб борилиши мумкин.
2022/23 йилги мавсумда ярим ҳимоячи “Челси” сафида 18 та ўйинда майдонга тушиб, 1 та гол урди ва 2 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
Transfermarkt портали футболчини 38 миллион еврога баҳоламоқда.
