Senegal terma jamoasi muxlislari jahon chempionatining guruh bosqichida Ekvador terma jamoasiga qarshi o‘yinda termaning sobiq futbolchisi Papa Buba Diop xotirasiga hurmat bajo keltirishdi.
Bundan roppa-rosa 2 yil oldin, 2020 yil 29 noyabrda Diop uzoq davom etgan kasallikdan so‘ng vafot etgan edi.
OAV ma’lumotlariga ko‘ra, futbolchida saraton kasalligi va lateral amiotrofik skleroz bor edi. «Haqiqiy sherlar hech qachon o‘lmaydi», shiori ostida muxlislar faxriyni qo‘llab-quvvatladi.
Diop 2002 yilgi jahon chempionatida Fransiya darvozasiga urgan goli bilan mashhur bo‘lgan, shundan so‘ng fransuzlar mag‘lub bo‘lgan va jahon chempionatini tark etgan edi.
O‘shanda Senegal terma jamoasi 1/4 finalga chiqishga muvaffaq bo‘lgan edi.
