Сенегал терма жамоаси мухлислари жаҳон чемпионатининг гуруҳ босқичида Эквадор терма жамоасига қарши ўйинда терманинг собиқ футболчиси Папа Буба Диоп хотирасига ҳурмат бажо келтиришди.
Бундан роппа-роса 2 йил олдин, 2020 йил 29 ноябрда Диоп узоқ давом этган касалликдан сўнг вафот этган эди.
ОАВ маълумотларига кўра, футболчида саратон касаллиги ва латерал амиотрофик склероз бор эди. «Ҳақиқий шерлар ҳеч қачон ўлмайди», шиори остида мухлислар фахрийни қўллаб-қувватлади.
Диоп 2002 йилги жаҳон чемпионатида Франция дарвозасига урган голи билан машҳур бўлган, шундан сўнг французлар мағлуб бўлган ва жаҳон чемпионатини тарк этган эди.
Ўшанда Сенегал терма жамоаси 1/4 финалга чиқишга муваффақ бўлган эди.
