O‘zbekiston terma jamoasi himoyachisi Rustam Ashurmatov Rossiya terma jamoasiga qarshi uchrashuv oldidan «Match TV» muxbiriga «Rubin»ga o‘tishi haqida gapirdi.
— Bo‘lajak o‘yin Rossiya jamoatchiligiga o‘zingizni ko‘rsatish uchun yaxshi imkoniyat bo‘lishi mumkin...
— Ehtimol, shundaydir. Ammo hozir faqat terma jamoamga e’tibor qarataman va Rossiya haqida o‘ylamayman. Bu haqda keyinroq o‘ylab ko‘rarman.
— Qishda Qozonga ko‘chib o‘tishingiz rostmi?
— Ha, men Qozonga ko‘chib o‘taman.
— Sluskiy sizga qo‘ng‘iroq qildimi?
— Ha, u qo‘ng‘iroq qildi. Biz bir daqiqadan ortiq gaplashmadik. Ammo u qiziqish bildirayotganini aytdi. Uning iste’fosi haqidagi xabarni ko‘rdim, futbolda shunaqasi ham bo‘lib turadi. Bu haqda klub vakillari bilan gaplashdik, men bilan bog‘liq hech qanday o‘zgarish bo‘lmaydi - «Rubin» safiga qo‘shilaman.
— Sizni tarkibda ko‘rishni istagan murabbiyni ishdan bo‘shatib, boshqa murabbiyni ishga olgan jamoaga borish qo‘rqinchli emasmi?
— Yo‘q, qo‘rqinchli emas, futbolda bunday hodisalar uchrab turadi. Men bunga tayyorman, boshqa murabbiyga ham o‘yinimni isbotlayman.
— Jamoaning RPLda ishtirok etmasligi ta’sir qilmaydimi?
— Hech narsa xalal bermaydi. Kelasi yil boshqacha bo‘ladi deb o‘ylayman», - dedi Ashurmatov.
