Himoyachi Benjamin Pavar "Bavariya" bilan shartnomasini uzaytirishdan bosh tortdi va mavsum oxirida jamoani tark etadi, deb xabar beradi Bild.
26 yoshli futbolchi 2023/24 yilgi mavsum oxirigacha amal qiladigan shartnomasini yangilamasligini ma’lum qildi. "Bavariya" Pavarning transferidan hech bo‘lmaganda biroz mablag‘ olishi uchun Myunxenni 2023 yilning yozida tark etgani ma’qul, degan fikrga keldi.
17 noyabr kuni Bild nashri "Bavariya" Pavarning kelajagi haqidagi so‘nggi bayonotlardan norozi bo‘lganini xabar qildi.
Avvalroq, 26 yoshli futbolchining xizmatlariga "Milan", "Real" va "Barselona" klublari qiziqish bildirayotgani haqida xabar berilgandi.
Pavarning "Bavariya" bilan shartnomasi 2024 yilgacha mo‘ljallangan. Joriy mavsumda u barcha turnirlarda 21 ta o‘yinda maydonga tushib, 4 ta gol urdi.