"Atletiko" Joau Feliksni qishda faqat 100 mln yevroga sotishga rozi bo‘ladi.

AS xabariga ko‘ra, futbolchi qishki transfer oynasida Madrid klubini tark etmoqchi. 2019 yil yozida futbolchi uchun 127 million yevro to‘lagan “Atletiko Madrid” uni 100 million yevroga sotishga rozi bo‘ladi.

Feliksga “Manchester Yunayted”, “Bavariya” va “PSJ” katta qiziqish bildirmoqda. Ingliz klubi o‘tgan yozda Joau uchun "Atletiko"ga 130 million yevro taklif qilgan, ammo rad javobi berilgandi. Parijliklar qanot hujumchisi bilan "PSJ"ning futbol bo‘yicha maslahatchisi Luish Kampush orqali aloqa o‘rnatishgan.

Xabar qilinishicha, Robert Levandovski "Barselona"ga ketganidan keyin «Bavariya» Feliks uchun 100 million yevro taklif qilgan, biroq «Atletiko» rad javobini bergan.

23 yoshli futbolchi joriy mavsum “Atletiko” safida 18 o‘yinda 4 ta gol urdi va 3 ta golli uzatmani amalga oshirdi. 2022 yilgi jahon chempionatida u Portugaliya terma jamoasi safida 2 ta o‘yinda 1 ta gol urgan.