Kanada va "Lill" hujumchisi Jonatan Devid unga "Manchester Yunayted" qiziqayotgani haqidagi mish-mishlarga munosabat bildirdi.

“Men bu haqda eshitmaganman. Hozir jahon chempionati davom etmoqda, har bir daqiqadan zavq olishga harakat qilaman. Turnirdan keyin nima bo‘ladi - bilmayman, ko‘ramiz. Angliya Premyer-ligasi - dunyodagi eng yaxshi turnir, menimcha, har qanday futbolchi u yerda o‘zini sinab ko‘rishni xohlaydi", - deya Davidning so‘zlarini keltiradi Sky Sports.

2022/23 yilgi mavsumda David “Lill” safida 20 ta o‘yinda maydonga tushib, 10 ta gol urdi va 4 ta golli uzatmani amalga oshirdi. JCH-2022da 23 yoshli forvard Kanada terma jamoasi safida 3 ta o‘yinda qatnashib, gol ura olmagan. Kanadaliklar turnirdagi barcha 3 uchrashuvda mag‘lub bo‘lishdi va pley-offga chiqa olishmadi.

Transfermarkt.com portali Davidning narxini 45 million yevroga baholamoqda.