Канада ва "Лилль" ҳужумчиси Жонатан Дэвид унга "Манчестер Юнайтед" қизиқаётгани ҳақидаги миш-мишларга муносабат билдирди.
“Мен бу ҳақда эшитмаганман. Ҳозир жаҳон чемпионати давом этмоқда, ҳар бир дақиқадан завқ олишга ҳаракат қиламан. Турнирдан кейин нима бўлади - билмайман, кўрамиз. Англия Премьер-лигаси - дунёдаги энг яхши турнир, менимча, ҳар қандай футболчи у ерда ўзини синаб кўришни хоҳлайди", - дея Давиднинг сўзларини келтиради Sky Sports.
2022/23 йилги мавсумда Давид “Лилль” сафида 20 та ўйинда майдонга тушиб, 10 та гол урди ва 4 та голли узатмани амалга оширди. ЖЧ-2022да 23 ёшли форвард Канада терма жамоаси сафида 3 та ўйинда қатнашиб, гол ура олмаган. Канадаликлар турнирдаги барча 3 учрашувда мағлуб бўлишди ва плей-оффга чиқа олишмади.
Transfermarkt.com портали Давиднинг нархини 45 миллион еврога баҳоламоқда.
