"Leypsig" va Xorvatiya terma jamoasi himoyachisi Yoshko Gvardiol "Real"da o‘ynashni xohlashini tan oldi.

"Real Madrid" dunyodagi eng katta klub, shuning uchun kim biladi... balki bir kun kelib men u yerda o‘ynay olarman. Ha, xohlayman. Modrich menga "Real Madrid" haqida biror narsa aytishi shart emas. Men allaqachon hamma narsani bilaman, bu dunyodagi eng katta klub ekanligini va bunday jamoa bilan bog‘lanish qanchalik muhimligini bilaman", - dedi Gvardiol Relevo nashriga.

20 yoshli xorvatiyalik futbolchi 2021 yildan buyon “Leypsig” safida to‘p suradi. Uning klub bilan amaldagi shartnomasi 2027 yilgacha mo‘ljallangan. Transfermarkt portali futbolchining narxini 60 million yevroga baholamoqda.

Joriy mavsumda Gvardiol “buqalar” safida barcha musobaqalarda 19 ta o‘yinda maydonga tushib, 1 ta gol urishga erishdi.