Kamerunlik darvozaboni Devis Epassi Braziliyaga qarshi o‘yinning eng yaxshi futbolchisi deb topildi.
Bir kun avval kamerunliklar «pentakampeonlar»ni shov-shuvli tarzda mag‘lubiyatga uchratishdi. Braziliyaliklar 1998 yildan beri guruh bosqichida mag‘lub bo‘lishmayotgan edi.
Braziliya terma jamoasi kamerunliklar darvozasiga 21 ta zarba yo‘lladi. Ulardan yettitasi nishonga tegdi.
Ammo besh karra jahon chempionlari afrikaliklarning himoyasini buzib o‘ta olishmadi.
Uchrashuvdagi yagona gol Vensan Abubakar tomonidan kiritildi.
