Fransiya terma jamoasi darvozaboni Ugo Lyoris JCH-2022 1/8 final bosqichi doirasida Polshaga qarshi o‘yin arafasida Voysex Shensniy haqida o‘z fikrlari bilan o‘rtoqlashdi.
“Shensniy fantastik turnir o‘tkazmoqda. Polsha terma jamoasi bu yerga o‘z darvozaboni tufayli kelganini tushunishi kerak. Raqibni tahlil qilamiz, qanday o‘yin kutilayotganini bilamiz, ammo kutilmagan elementi ham bor, psixologik jihati bor. Biz barcha ssenariylarga tayyor bo‘lishimiz kerak. Psixologik jihatdan kuchli bo‘lishimiz kerak", - dedi Lyoris L'Equipe bilan suhbatda.