Argentina terma jamoasi markaziy himoyachisi Kristian Romero jahon chempionati 1/8 final bosqichi doirasida Avstraliyaga qarshi kechgan 2:1 hisobidagi g‘alabadan so‘ng o‘z his-tuyg‘ulari bilan o‘rtoqlashdi hamda navbatdagi bosqich o‘yini haqida fikr bildirdi. Pley-offda ular Niderlandiya bilan o‘ynaydi.
“Men katta quvonchni his qilyapman. Albatta, gol o‘tkazib yubordik, ammo xarakter, yaxshi o‘yin va individuallik ko‘rsata oldik.
Niderlandiya juda qiyin raqib, endi bir necha soat dam olamiz, keyin esa ular bilan qanday o‘ynashni o‘ylaymiz. Bizda yosh jamoa bor va biz hamma narsani qurbon qilishga tayyormiz. Qaysi kun o‘ynashimizdan qat’iy nazar, biz ushbu uchrashuvga tayyor bo‘lamiz", - deya Romeroning so‘zlaridan iqtibos keltirgan Argentina futbol federasiyasining ijtimoiy tarmoqlardagi rasmiy sahifasi.
