Аргентина терма жамоаси марказий ҳимоячиси Кристиан Ромеро жаҳон чемпионати 1/8 финал босқичи доирасида Австралияга қарши кечган 2:1 ҳисобидаги ғалабадан сўнг ўз ҳис-туйғулари билан ўртоқлашди ҳамда навбатдаги босқич ўйини ҳақида фикр билдирди. Плей-оффда улар Нидерландия билан ўйнайди.
“Мен катта қувончни ҳис қиляпман. Албатта, гол ўтказиб юбордик, аммо характер, яхши ўйин ва индивидуаллик кўрсата олдик.
Нидерландия жуда қийин рақиб, энди бир неча соат дам оламиз, кейин эса улар билан қандай ўйнашни ўйлаймиз. Бизда ёш жамоа бор ва биз ҳамма нарсани қурбон қилишга тайёрмиз. Қайси кун ўйнашимиздан қатъий назар, биз ушбу учрашувга тайёр бўламиз", - дея Ромеронинг сўзларидан иқтибос келтирган Аргентина футбол федерациясининг ижтимоий тармоқлардаги расмий саҳифаси.
