AQSH terma jamoasi bosh murabbiyi Gregg Berxalter JCH-2022 1/8 finalida Niderlandiyaga qarshi o‘yindagi mag‘lubiyat (1:3) haqida gapirdi.
“Menimcha, jamoamiz oldinga siljidi, uning o‘ziga xosligi aniq, futbolchilar bir-birlari uchun kurashmoqda. Turnir davomida himoyada, yaxshi shiddat bilan ko‘p ishladik. Agar bugun ikki jamoa o‘rtasidagi farqni ko‘rsangiz, Niderlandiya o‘z imkoniyatlarini golga aylantira oladigan sifatga ega edi, bizga esa bugun bu etishmadi. Vaqt kerak, bizda yosh tarkib bor. Hozirda bizning Memfis Depayimiz yo‘q", - deya murabbiy so‘zlarni keltiradi RMC Sport.
