Xalqaro futbol federasiyasi (FIFA) Shveysariya terma jamoasiga qarshi Qatarda bo‘lib o‘tgan jahon chempionati guruh bosqichi 3-tur uchrashuvi vaqtida futbolchilar va muxlislarning xatti-harakati tufayli Serbiya futbol ittifoqiga qarshi ayblov qo‘ydi.
FIFA "futbolchi va rasmiy huquqbuzarlik" va kamsitish bilan bog‘liq ayblovlarga qaysi hodisalar sabab bo‘lganiga aniqlik kiritmadi, deb xabar beradi AP nashri.
Manbaga ko‘ra, birinchi bo‘limda serbiyalik muxlislar kosovolik alban oilasida tug‘ilgan shveysariyalik futbolchi Jerdan Shakirini haqorat qilishgan.
Ikkinchi bo‘limda hakam shveysariyaliklar darvozasiga belgilanishi mumkin bo‘lgan penaltini VAR orqali takror ko‘rmaganidan so‘ng, bir nechta serbiyalik futbolchilar zaxira o‘rindig‘idan maydonga yugurib chiqib kelishgan.
Serbiya 2 dekabr kuni Shveysariyaga 2:3 hisobida imkoniyatni boy berib, JCH-2022 pley-off bosqichiga chiqa olmadi.
