Халқаро футбол федерацияси (ФИФА) Швейцария терма жамоасига қарши Қатарда бўлиб ўтган жаҳон чемпионати гуруҳ босқичи 3-тур учрашуви вақтида футболчилар ва мухлисларнинг хатти-ҳаракати туфайли Сербия футбол иттифоқига қарши айблов қўйди.
ФИФА "футболчи ва расмий ҳуқуқбузарлик" ва камситиш билан боғлиқ айбловларга қайси ҳодисалар сабаб бўлганига аниқлик киритмади, деб хабар беради AP нашри.
Манбага кўра, биринчи бўлимда сербиялик мухлислар косоволик албан оиласида туғилган швейцариялик футболчи Жердан Шакирини ҳақорат қилишган.
Иккинчи бўлимда ҳакам швейцарияликлар дарвозасига белгиланиши мумкин бўлган пенальтини ВАР орқали такрор кўрмаганидан сўнг, бир нечта сербиялик футболчилар захира ўриндиғидан майдонга югуриб чиқиб келишган.
Сербия 2 декабрь куни Швейцарияга 2:3 ҳисобида имкониятни бой бериб, ЖЧ-2022 плей-офф босқичига чиқа олмади.
