“Lill” va Kanada terma jamoasi hujumchisi Jonatan Devid faoliyatini Angliya Premyer-ligasi klublaridan birida davom ettirish niyatida, deb xabar bermoqda Daily Mail.

22 yoshli hujumchi xizmatlariga «Manchester Yunayted» va «Chelsi» klublari qiziqish bildirmoqda.

Kanadalik futbolchining fransuz klubi bilan amaldagi shartnomasi 2025 yilning yoziga qadar mo‘ljallangan. Transfermarkt portali Devidning narxini 45 million yevroga baholamoqda.

Devid joriy mavsumda “Lill” safida 17 ta o‘yinda maydonga tushib, 10 ta gol urdi va 4 ta golli uzatmani amalga oshirdi. 2022 yilgi jahon chempionatida u 2 ta uchrashuv o‘tkazdi va samarali harakatlari bilan ajralib turmadi.