“Лилль” ва Канада терма жамоаси ҳужумчиси Жонатан Дэвид фаолиятини Англия Премьер-лигаси клубларидан бирида давом эттириш ниятида, деб хабар бермоқда Daily Mail.
22 ёшли ҳужумчи хизматларига «Манчестер Юнайтед» ва «Челси» клублари қизиқиш билдирмоқда.
Канадалик футболчининг француз клуби билан амалдаги шартномаси 2025 йилнинг ёзига қадар мўлжалланган. Transfermarkt портали Дэвиднинг нархини 45 миллион еврога баҳоламоқда.
Дэвид жорий мавсумда “Лилль” сафида 17 та ўйинда майдонга тушиб, 10 та гол урди ва 4 та голли узатмани амалга оширди. 2022 йилги жаҳон чемпионатида у 2 та учрашув ўтказди ва самарали ҳаракатлари билан ажралиб турмади.