AQSH terma jamoasi va Londonning “Arsenal” klubi darvozaboni Mett Terner terma jamoasining Qatardagi jahon chempionatidagi ishtiroki haqida fikr bildirdi.

"O‘ylaymanki, biz turnirda ko‘p yutuqlarga erishdik. Ya’ni, biz dunyoning eng yaxshi jamoalari bilan raqobatlasha olishimizni ko‘rsata oldik. Umuman olganda, biz qilayotgan ishimizdan faxrlanamiz, lekin turnirni tark etganimizdan hafsalamiz pir bo‘ldi, chunki biz ko‘proq yutuqlarga erishishimiz mumkin edi", - dedi Terner Fox Sports bilan suhbatda.

Eslatib o‘tamiz, AQSH terma jamoasi "B" guruhida ikkinchi o‘rinni egalladi. Ular guruhda Uels (1:1) va Angliya (0:0) terma jamoalari bilan durang o‘ynadi va hal qiluvchi bahsda Eron terma jamoasi ustidan 1:0 g‘alaba qozondi.

1/8 final bosqichida amerikaliklar Niderlandiya termasiga 1:3 hisobida imkoniyatni boy berdi.