АҚШ терма жамоаси ва Лондоннинг “Арсенал” клуби дарвозабони Мэтт Тернер терма жамоасининг Қатардаги жаҳон чемпионатидаги иштироки ҳақида фикр билдирди.

"Ўйлайманки, биз турнирда кўп ютуқларга эришдик. Яъни, биз дунёнинг энг яхши жамоалари билан рақобатлаша олишимизни кўрсата олдик. Умуман олганда, биз қилаётган ишимиздан фахрланамиз, лекин турнирни тарк этганимиздан ҳафсаламиз пир бўлди, чунки биз кўпроқ ютуқларга эришишимиз мумкин эди", - деди Тернер Fox Sports билан суҳбатда.

Эслатиб ўтамиз, АҚШ терма жамоаси "B" гуруҳида иккинчи ўринни эгаллади. Улар гуруҳда Уэльс (1:1) ва Англия (0:0) терма жамоалари билан дуранг ўйнади ва ҳал қилувчи баҳсда Эрон терма жамоаси устидан 1:0 ғалаба қозонди.

1/8 финал босқичида америкаликлар Нидерландия термасига 1:3 ҳисобида имкониятни бой берди.