Didye Deshamning yordamchi murabbiyi Gi Stefan fransiyalik hujumchi Kilian Mbappe haqida fikr bildirdi.
“Kilian Mbappe hali 24 yoshga to‘lmagan bo‘lsa-da, jahon chempionatlarida 9ta gol urgan. U Ronaldu va Messi kabi ajoyib futbolchi va ular jahon chempionatlarida Mbappedan kamroq gol urishdi. U elitaga mansub, mahorat bo‘yicha tengi yo‘q va maydonda ajoyib ijodkorlik ko‘rsatadi. U maydon bo‘ylab harakat qilishni yaxshi ko‘radi, u hayratlanarli darajada texnikasi kuchli. Va u buni har bir o‘yinda ko‘rsatmoqda”, - deya Stefan so‘zlarini keltiradi GOAL.
Polshaga qarshi bahsda Mbappe 2 ta gol urdi va 1 ta golli uzatmani amalga oshirdi. Umuman olganda, u JCH-2022 doirasidagi 4 ta o‘yinda 5 ta gol va 2 ta golli uzatmaga ega.
Musobaqaning chorak finalida fransuzlar Angliya terma jamoasi bilan kuch sinashadi. Uchrashuv 10 dekabr kuni bo‘lib o‘tadi.
