Дидье Дешамнинг ёрдамчи мураббийи Ги Стефан франциялик ҳужумчи Килиан Мбаппе ҳақида фикр билдирди.

“Килиан Мбаппе ҳали 24 ёшга тўлмаган бўлса-да, жаҳон чемпионатларида 9та гол урган. У Роналду ва Месси каби ажойиб футболчи ва улар жаҳон чемпионатларида Мбаппедан камроқ гол уришди. У элитага мансуб, маҳорат бўйича тенги йўқ ва майдонда ажойиб ижодкорлик кўрсатади. У майдон бўйлаб ҳаракат қилишни яхши кўради, у ҳайратланарли даражада техникаси кучли. Ва у буни ҳар бир ўйинда кўрсатмоқда”, - дея Стефан сўзларини келтиради GOAL.

Польшага қарши баҳсда Мбаппе 2 та гол урди ва 1 та голли узатмани амалга оширди. Умуман олганда, у ЖЧ-2022 доирасидаги 4 та ўйинда 5 та гол ва 2 та голли узатмага эга.

Мусобақанинг чорак финалида французлар Англия терма жамоаси билан куч синашади. Учрашув 10 декабрь куни бўлиб ўтади.