«Chelsi» sobiq himoyachisi Jon Terri bir paytlar Joze Mourinyoning o‘yin vaqtini kechiktirish uchun ishlatgan hiylasi haqida gapirdi.

«Agar raqib jarima maydonchasida ikki himoyachi jarohat tufayli yiqilgan bo‘lsa, ular maydonni tark eta olmasliklarini bilasiz.

So‘nggi 10 yoki 15 daqiqada, agar 1:0 hisobida oldinda bo‘lganimizda, Mourinyo bizga shunday degan edi: «Yuqori tezlanish olib yuguring va bir-biringizga to‘qnash keling, yiqiling. Ikki himoyachi birdaniga maydondan chiqa olmaydi.

Biz hech qachon bunday qoida haqida eshitmaganmiz. Burchak zarbalaridan birida Keyxill bilan bu ishni qildik va hakam «ikkalangiz ham maydonni tark eting», dedi. Men javob berdim: «Yo‘q, qoidalarga ko‘ra mumkin emas», — deya Terrining so‘zlaridan iqtibos keltiradi The Mirror.