«Челси» собиқ ҳимоячиси Жон Терри бир пайтлар Жозе Моуриньонинг ўйин вақтини кечиктириш учун ишлатган ҳийласи ҳақида гапирди.
«Агар рақиб жарима майдончасида икки ҳимоячи жароҳат туфайли йиқилган бўлса, улар майдонни тарк эта олмасликларини биласиз.
Сўнгги 10 ёки 15 дақиқада, агар 1:0 ҳисобида олдинда бўлганимизда, Моуриньо бизга шундай деган эди: «Юқори тезланиш олиб югуринг ва бир-бирингизга тўқнаш келинг, йиқилинг. Икки ҳимоячи бирданига майдондан чиқа олмайди.
Биз ҳеч қачон бундай қоида ҳақида эшитмаганмиз. Бурчак зарбаларидан бирида Кэйхилл билан бу ишни қилдик ва ҳакам «иккалангиз ҳам майдонни тарк этинг», деди. Мен жавоб бердим: «Йўқ, қоидаларга кўра мумкин эмас», — дея Террининг сўзларидан иқтибос келтиради The Mirror.
