Ispaniya Qirollik futbol federasiyasi saytida Luis Enrike Ispaniya terma jamoasi bosh murabbiyligidan ketayotgani haqida ma’lumot paydo bo‘ldi.
«Ispaniya terma jamoasi Luis Enrike va uning xodimlariga rahmat aytgan holda ular tomonidan so‘nggi yillarda erishilgan yutuqlarni davom ettirish maqsadida yangi loyiha boshlashi kerak», - deyiladi xabarda.
Federasiya Luis Enrikega amalga oshirilgan ishlar uchun minnatdorchilik bildirib, kelajakdagi professional loyihalarida muvaffaqiyatlar tiladi.
Eslatib o‘tamiz, Ispaniya terma jamoasi yaqinda Marokashga penaltilar seriyasida mag‘lub bo‘lgan va 1/8 final bosqichidayoq jahon chempionatidan chiqib ketgan edi.
