Испания Қироллик футбол федерацияси сайтида Луис Энрике Испания терма жамоаси бош мураббийлигидан кетаётгани ҳақида маълумот пайдо бўлди.
«Испания терма жамоаси Луис Энрике ва унинг ходимларига раҳмат айтган ҳолда улар томонидан сўнгги йилларда эришилган ютуқларни давом эттириш мақсадида янги лойиҳа бошлаши керак», - дейилади хабарда.
Федерация Луис Энрикега амалга оширилган ишлар учун миннатдорчилик билдириб, келажакдаги профессионал лойиҳаларида муваффақиятлар тилади.
Эслатиб ўтамиз, Испания терма жамоаси яқинда Марокашга пенальтилар сериясида мағлуб бўлган ва 1/8 финал босқичидаёқ жаҳон чемпионатидан чиқиб кетган эди.
