«Roma» hujumchisi Temmi Abraxam APLga qaytishi mumkin. Calciomercato xabariga ko‘ra, Londonning «Chelsi» klubi sobiq futbolchisiga boshqa bir poytaxt klubi «Arsenal» qiziqish bildirmoqda.

«Kanonirlar» Abraxamni jahon chempionatida tizzasidan jarohat olgan Gabriel Jezusga o‘rinbosar sifatida ko‘rmoqda. Jarohati tufayli braziliyalik futbolchi kamida uch oy maydonga tusha olmaydi.

«Arsenal» Abraxamni sotib olish sharti bilan ijaraga olmoqchi.

25 yoshli hujumchi joriy mavsumda 15 ta o‘yinda maydonga tushib, 3 ta gol urdi va 1 ta golli uzatmaga mualliflik qilgan.