«Рома» ҳужумчиси Тэмми Абрахам АПЛга қайтиши мумкин. Calciomercato хабарига кўра, Лондоннинг «Челси» клуби собиқ футболчисига бошқа бир пойтахт клуби «Арсенал» қизиқиш билдирмоқда.
«Канонирлар» Абрахамни жаҳон чемпионатида тиззасидан жароҳат олган Габриэль Жезусга ўринбосар сифатида кўрмоқда. Жароҳати туфайли бразилиялик футболчи камида уч ой майдонга туша олмайди.
«Арсенал» Абрахамни сотиб олиш шарти билан ижарага олмоқчи.
25 ёшли ҳужумчи жорий мавсумда 15 та ўйинда майдонга тушиб, 3 та гол урди ва 1 та голли узатмага муаллифлик қилган.
