Niderlandiya terma jamoasi bosh murabbiyi Lui van Gal Argentina terma jamoasi vingeri Anxel Di Mariya uni faoliyatidagi eng yomon murabbiy deb ataganiga izoh berdi.
“Anxel Di Mariya juda yaxshi futbolchi. Men u bilan "Manchester Yunayted"da ishlaganimda, uning shaxsiy muammolari bor edi, bu ham uning o‘yiniga ta’sir qildi. U men uning eng yomon murabbiyi ekanligimni aytdi? U shunday deydigan kam sonli futbolchilardan biri. Afsuski. Murabbiy ba’zida hamma uchun ham yoqmaydigan qarorlar qabul qilishga majbur bo‘ladi", - dedi van Gal.
Shuningdek, Niderlandiya terma jamoasi bosh murabbiyi "Manchester Yunayted"da Memfis Depay bilan ham unchalik yaxshi munosabatda bo‘lmaganini esladi.
"Manchester Yunayted"dagi xuddi shunday holat hozir yonimda o‘tirgan Memfisda ham bo‘lgan. Lekin murabbiy bekorga hech narsa qilmaydi. Balki bu noto‘g‘ri bo‘lgandir, lekin hozir oramizdagi munosabatlarga qarang - hammasi butunlay boshqacha", - deydi van Gal.