“Bavariya” va Fransiya terma jamoasi markaziy himoyachisi Dayo Upamekano zamonamizning ikki eng yaxshi yosh hujumchisi Kilian Mbappe va Erling Xolandni solishtirdi.

“Biz turli hujumchilar haqida gapirayapmiz. Mbappe ko‘proq driblingchi, Xoland esa raqib maydonchasida ko‘proq vaqt o‘tkazadigan hujumchi. Men futbolchilarni solishtirishni yoqtirmayman, lekin aytishim mumkinki, ikkalasi ham jahon darajasidagi futbolchilar. Himoyachilarga ularga qarshi o‘ynash juda qiyin”, — dedi Upamekano Fransiya terma jamoasi uchun o‘tkazilgan matbuot anjumanida.

Eslatib o‘tamiz, Xoland hozirda 19 ta gol bilan Angliya premyer-ligasining eng yaxshi to‘purari bo‘lib turibdi. Mbappe 5 ta to‘p bilan jahon chempionati to‘purarlari poygasida peshqadamlik qilmoqda.