“Бавария” ва Франция терма жамоаси марказий ҳимоячиси Дайо Упамекано замонамизнинг икки энг яхши ёш ҳужумчиси Килиан Мбаппе ва Эрлинг Холандни солиштирди.

“Биз турли ҳужумчилар ҳақида гапираяпмиз. Мбаппе кўпроқ дриблингчи, Холанд эса рақиб майдончасида кўпроқ вақт ўтказадиган ҳужумчи. Мен футболчиларни солиштиришни ёқтирмайман, лекин айтишим мумкинки, иккаласи ҳам жаҳон даражасидаги футболчилар. Ҳимоячиларга уларга қарши ўйнаш жуда қийин”, — деди Упамекано Франция терма жамоаси учун ўтказилган матбуот анжуманида.

Эслатиб ўтамиз, Холанд ҳозирда 19 та гол билан Англия премьер-лигасининг энг яхши тўпурари бўлиб турибди. Мбаппе 5 та тўп билан жаҳон чемпионати тўпурарлари пойгасида пешқадамлик қилмоқда.