Portugaliyalik futbolchi Manuel Fernandesh JCH-2022 chorak finali doirasidagi Portugaliya va Marokash uchrashuvi haqida o‘z fikrlari bilan o‘rtoqlashdi.
"Hech kim Ronalduning zaxira o‘rindig‘ida bo‘lishini kutmagandi, ammo bu reja ish berdi. Har doim natija eng muhimi. Natijaga qarab qaror yaxshi yoki yomon bo‘ladi.
Ronaldu anchadan buyon yuqori saviyada o‘ynayapti va yosh futbolchilar mas’uliyatni o‘z zimmalariga olishlari tabiiy. Portugaliyani Marokash bilan qiyin o‘yin kutadi, lekin shu bilan birga, bizning futbol Ispaniya futbolidan farq qiladi", — deya Fernandesh so‘zlaridan iqtibos keltirgan Metaratings.ru.
JCH-2022 1/4 finali doirasidagi Portugaliya va Marokash terma jamoalari o‘rtasidagi o‘yin 10 dekabr kuni bo‘lib o‘tadi va Toshkent vaqti bilan soat 20.00'da boshlanadi.
