Португалиялик футболчи Мануэль Фернандеш ЖЧ-2022 чорак финали доирасидаги Португалия ва Марокаш учрашуви ҳақида ўз фикрлари билан ўртоқлашди.
"Ҳеч ким Роналдунинг захира ўриндиғида бўлишини кутмаганди, аммо бу режа иш берди. Ҳар доим натижа энг муҳими. Натижага қараб қарор яхши ёки ёмон бўлади.
Роналду анчадан буён юқори савияда ўйнаяпти ва ёш футболчилар масъулиятни ўз зиммаларига олишлари табиий. Португалияни Марокаш билан қийин ўйин кутади, лекин шу билан бирга, бизнинг футбол Испания футболидан фарқ қилади", — дея Фернандеш сўзларидан иқтибос келтирган Metaratings.ru.
ЖЧ-2022 1/4 финали доирасидаги Португалия ва Марокаш терма жамоалари ўртасидаги ўйин 10 декабрь куни бўлиб ўтади ва Тошкент вақти билан соат 20.00'да бошланади.
