Marokash terma jamoasi bosh murabbiyi Valid Regragi JCH-2022 chorak finalida Portugaliyani mag‘lub etganidan so‘ng (1:0) jamoasining jahon chempionatidagi o‘yiniga baho berdi.

"Biz bu dunyoning eng yaxshi jamoalaridan biriga qarshi o‘yin bo‘lishini bilardik. Bu Ispaniyaga qaraganda qiyinroq edi. Biz katta yuraklarga ega ajoyib jamoamiz. Biz istak va ishtiyoq jihatidan ancha yaxshi edik.

Biz ko‘plab o‘yinchilarni yo‘qotdik, bugun qiynalgan bo‘lishimiz mumkin, ammo Afrika va arab xalqlarining kamtarligi va kuchini qo‘yganimizda, yo‘l doim oldinga borishini anglardik. Men barcha xodimlar qatori bu ajoyib futbolchilar bilan ham faxrlanaman.

Bizda juda aniq reja bor, futbolchilar hech qachon bu jahon chempionatidagidek ko‘p yugurishmagan. Ammo qalbimizni unga qo‘yganimizda, bizning eng yaxshi fazilatlarimiz paydo bo‘ladi.

Biz hamma sevadigan, iqtidorli, sifatli jamoamiz. Pul ehtiros va imonni yenga olmaydi. Bu mo‘’jiza emas, bu ish: Belgiya, Xorvatiya, Kanada, Ispaniya va Portugaliya – biz faqat bir marta gol o‘tkazib yubordik. Butun qit’amiz biz uchun xursand. Biz ushbu turnirning Rokki Balboasimiz.

Biz bu yerga uchta o‘yin o‘ynash uchun kelganimiz yo‘q. Buning uchun kelgan futbolchiga bu jamoada joy yo‘q edi. Agar biz ishonib, orzu qilsak, biz yetkazmoqchi bo‘lgan buyuk ishni oxirigacha yetkaza olamiz", - deb Regragi Record bilan suhbatda.

Yarim finalda marokashliklar Fransiya bilan kuch sinashadi.