Марокаш терма жамоаси бош мураббийи Валид Реграги ЖЧ-2022 чорак финалида Португалияни мағлуб этганидан сўнг (1:0) жамоасининг жаҳон чемпионатидаги ўйинига баҳо берди.

"Биз бу дунёнинг энг яхши жамоаларидан бирига қарши ўйин бўлишини билардик. Бу Испанияга қараганда қийинроқ эди. Биз катта юракларга эга ажойиб жамоамиз. Биз истак ва иштиёқ жиҳатидан анча яхши эдик.

Биз кўплаб ўйинчиларни йўқотдик, бугун қийналган бўлишимиз мумкин, аммо Африка ва араб халқларининг камтарлиги ва кучини қўйганимизда, йўл доим олдинга боришини англардик. Мен барча ходимлар қатори бу ажойиб футболчилар билан ҳам фахрланаман.

Бизда жуда аниқ режа бор, футболчилар ҳеч қачон бу жаҳон чемпионатидагидек кўп югуришмаган. Аммо қалбимизни унга қўйганимизда, бизнинг энг яхши фазилатларимиз пайдо бўлади.

Биз ҳамма севадиган, иқтидорли, сифатли жамоамиз. Пул эҳтирос ва имонни енга олмайди. Бу мўъжиза эмас, бу иш: Бельгия, Хорватия, Канада, Испания ва Португалия – биз фақат бир марта гол ўтказиб юбордик. Бутун қитъамиз биз учун хурсанд. Биз ушбу турнирнинг Рокки Бальбоасимиз.

Биз бу ерга учта ўйин ўйнаш учун келганимиз йўқ. Бунинг учун келган футболчига бу жамоада жой йўқ эди. Агар биз ишониб, орзу қилсак, биз етказмоқчи бўлган буюк ишни охиригача етказа оламиз", - деб Реграги Record билан суҳбатда.

Ярим финалда марокашликлар Франция билан куч синашади.