Butun dunyo OAVlari uchun JCH-2022 chorak finalida Portugaliya terma jamoasining Marokashdan shov-shuvli mag‘lubiyatga uchragani, avvalo, Krishtianu Ronalduning turnirni tark etgani hisoblanadi. Futbol tarixidagi eng buyuk futbolchilardan biri yana o‘zi uchun eng qadrli bo‘lishi kerak bo‘lgan kubokni qo‘lga kirita olmadi. Jahonning mashhur futbolga ixtisoslashgan nashrlari esa bu voqeaga o‘ziga xos tarzda munosabatlatirini bildirdi.
Portugaliyaning O Jogo nashri Ronalduning jahon chempionatlaridagi natijalarini boshqa bir portugaliyalik futbolchi Eysebioning natijalari bilan solishtiradi:
“Eysebio 1966 yil 13 iyundan 28 iyungacha yarim oy va olti o‘yinda erishgan narsaga Ronaldu 25 yil ichida erisha olmadi. Krishtianu 2026 yilda JCHga borishi dargumon ekanligini inobatga olib, jahon chempionati bilan xayrlashdi. O‘zining 22 o‘yinida u 1966 yilgi Jahon chempionatida oltita o‘yinda to‘qqizta golini urgan Eysebio bilan gol urishda tenglasha olmadi”.
Fransiyaning L'Equipe saytida Ronalduga bag‘ishlangan material “Krishtianu Ronaldu va Portugaliyaning jahon chempionatidagi navbatdagi omadsizligi” deb nomlandi.
"Uning beshinchi jahon chempionatidagi so‘nggi ko‘rinishi kamera hamrohligida kiyinish xonasiga kirib ketayotgani bo‘ldi”, - deya qayd etadi matn muallifi. “Oxirgi jangda mag‘lub bo‘lgan chempion yolg‘izligiga qaytadi. Shubhasiz, bu tarixni aylantirishning bir usuli. Ronaldu turnirni 24-noyabr kuni Doha osmonida ilk bor Portugaliya madhiyasi yangraganida ko‘zlarida yosh bilan boshladi. U hali ham o‘z afsonasini abadiylashtirish umidi bilan yashadi”.
Italiyaning Corriere sayti Krishtianuning jahon chempionatlaridagi faoliyatini sarhisob qildi:
“Krishtianu Ronalduning ko‘z yoshlari uning Portugaliya terma jamoasidagi davrini tugatdi... U butun umri davomida jahon kubogini quvib o‘tdi, ammo futbol tarixidagi ko‘plab chempionlar singari u hech qachon g‘alaba qozona olmadi. Bu uning turnirdagi beshinchi ishtiroki edi. Sarguzasht Germaniyada 2006 yilda u to‘rtinchi o‘rinni eng yaxshi marraga erishganida boshlangan”.
Angliya matbuoti, albatta, “Manchester Yunayted”ning sobiq hujumchisining ketishini e’tiborsiz qoldirmadi. The Telegraph Krishtianu haqida ajoyib maqola tayyorladi. Matn muallifi Ronalduni va 40 yoshida Super Bovl mukofotini qo‘lga kiritgan eng keksa futbolchi bo‘lgan amerikalik futbol yulduzi Tom Bredi taqqosladi.
“Nega bizda amerikalik bo‘lmagan futbolda Tom Bredi figurasi yo‘q? Bu savolga Ronalduning nafaqat ushbu o‘yinda, balki butun turnirdagi ajoyib kuchsizligi javob berdi. U endi yuqori darajadagi o‘yinga mazmunli ta’sir o‘tkaza olmaydi. Ammo unda imkoniyat bor edi. Kesilgan pasdan so‘ng to‘pni qabul qilib olgan Ronaldu darvozani yaxshi ko‘rdi va eng yaxshi nuqtani tanlashga ulgurdi. U marokashlik darvozabon Bonoga to‘g‘ridan-to‘g‘ri zarba bermadi, balki uning ishonchli seyv amalga oshirishi uchun yetarlicha yaqin zarba berdi.
Ronalduning maydonda ko‘z yoshlariga o‘rin yo‘q edi. U tunnelga kirguncha kutib turdi, bir vaqtlar hissiyotli futbolchilar uchun xavfsiz deb hisoblangan joy. Afsuski, televideniyening imkoniyati cheksiz va u yerda ham yuqori aniqlikdagi kameralar mavjud. Uning azob chekayotgani yuzidagi ifodadan ma’lum edi.
The Daily Mail nashri Ronalduning futbolchi sifatidagi jahon chempionatidagi so‘nggi o‘yini bo‘lishi mumkin bo‘lgan statistikasiga e’tibor qaratadi:
“Marokashga qarshi o‘yinda zaxiradan maydonga tushganidan beri Krishtianu bor-yo‘g‘i 10 marta to‘pga tegingan va bitta zarba berdi. Besh karra “Oltin to‘p” sohibi faoliyati davomida ko‘plab muhim o‘yinlarda hal qiluvchi ta’sir ko‘rsatdi, biroq milliy terma jamoaga uning yutuqlari kerak bo‘lgan kechada Ronaldu gol ura olmadi”.
Stadion.uz nashri uchun ham Ronalduning chempionatni erta tark etgani quvonchli voqea bo‘lmadi. Saytimiz jurnalistlari orasida ham uni qo‘llab-quvvatlaganlar yetarlicha topiladi. Ronaldu — sen Jahon kubogisiz ham buyuk futbolchisan!
