Angliya terma jamoasi himoyachisi Kayl Uoker Fransiyaga qarshi uchrashuv yakunida penaltidan foydalana olmay qolgan hujumchi Xarri Keynni qo‘llab-quvvatladi.
"Menimcha, har qanday angliyalik muxlis Keyn penalti tepishiga ishonadi. Qayerdadir omadsizlik yuz beradi, futbolda shunday bo‘ladi. Faoliyati davomida Xarri ko‘plab muhim penaltilarni amalga oshirgan. Butun jamoa uni qo‘llab-quvvatladi. Men butun Angliya uni qo‘llab-quvvatlashini istayman. Ishonchim komilki, Xarri bu muvaffaqiyatsizlikni yengib o‘tadi", - deydi Kayl Talksport nashriga.
