"Sevilya" yarim himoyachisi Isko qishki transfer oynasidayoq jamoani tark etishi mumkin, deb xabar bermoqda Marca Relevo nashriga tayanib.
Manba bergan xabarga ko‘ra, shu haftada 30 yoshli yarim himoyachi va sport direktori Monchi o‘rtasida o‘zaro suhbat bo‘lib, oxiri mojaro bilan tugagan.
Ispaniyalik futbolchi klub loyihasi barbod bo‘layotganini ta’kidlagan va u umuman jamoaga faqat oktyabr oyida ishdan bo‘shatilgan murabbiy Xulen Lopetegi uchun kelgan.
Shu bilan birga, yangi murabbiylar shtabi Iskoning formasidan norozi. Joriy mavsumda pleymeyker 19 ta o‘yinda maydonga tushib, 1 ta gol va 3 ta golli uzatmani amalga oshirdi.
14-turdan keyin “Sevilya” La Liganing quyi ligaga tushib ketish zonasida bormoqda.
